Parol

Zanfan ghetto bien kontan mars alez
Zanfan ghetto bien kontan mars alez lame balanse
Zanfan ghetto zanfan ki to rod imite
Sanse si apel twa welo savedir tonn resi integre
Mo pou koz fran pa pass par 4 5 sime
Pou ena zis laverite
fuck it si mo al ferme dime
Premie Size sanse Moris paradiziak
Kifer ena diferans ant ti Rodrig ek zanfan Flic en Flac ?
Me sak 5 an to ena pouvwar lor to lakrwa
Ena ki dir twa vot blok zot pou donn twa enn lakaz an beton
Li anbetan kan apre eleksion
to pe mari rod zot
Zot tro lao pou zot tann to lavwa
Kifer ankor ena ki anfil semiz ble
Inn sign pou defann sitwayin me c zot mem ki fer twa trouble
Mo Pa anvi slam pou zeneralize
Me Silvouple mon Général inn ariv ler pou ouver ou lizie
Dan sak regar ena enn soufrans ki pe kasiet
Vinn milioner malerezman pa tou dimoun ki ena so reset
E si lavi ti enn telefonn ou enn headset
Premie zafer mo ti pou fer c restore ou reset
Bokou patron dir travay plis si to anvi vinn riss
Pran to kass ek to permisyon mo appel sa 1 Minis
Ena zom ki fote akoz sa ena feminis
Enn zom ki touy enn fam be pou sistem c zis enn fe minim
Mwa mo salie tou ban ki ed ban demini
Ban ki swiv demini pou kone ki zot devini
Ban ki lir tristes dan lavwa zot konn devine
Ena pou ggn lazwa pe oblize al get deviner

 

Refrin

Personn pa lerwa
Personn pa lerwa
Personn pa lerwa
Alor mo pran enn minit
Pou medit pou redir
Mo pran enn minit
Pou medit pou redir
Personn pa lerwa(x3)

Kouple 2

Dan sa lazing kot tou zako ape Vey so montagn
Li difisil pu konstrir me pou detrir li zis enn sinp detay
Si tou zafer ti vraimem attribie o merit
Alor bokou ki lao oblize redesan o pli vit
Lamour c enn enn lantre me diferan sorti
Afors nou konplike li vinn enn inpas. napa koz manti
Dir moi de fwa kan to tousel eski to repanti ?
Dir moi de twa a mwa
Eski zordi tonn koz menti ?
Nou Tou ena enn destin pa bizin to fer enn desin
Ena ki viv li
Ena ki laiss sa ant « les mains des saints »
E mo apresie lavi alez la tet lor kousin
Personn pa ggn lev mwa
ni mo mama ni mo revey
Zot dir twa lemond pou sanze
C Pa demin lavey
Tou dimounn happy ?
C zis kan zot fek gagn lapey
Bokou kiltiv lorgey
Pa pe dir twa al fer parey
Dan lavi ena 2 kan
Seki separe e seki repare
Serti kontan mo plim
Pou Sertin mo zis enn tare
Pou sertin mo ankor pe apran
Pou sertin monn fini pare
Mo ena bokou a dir
Mo pre pou ekrir enn rekey
E si Personn pa lir lo
Mo amen li dan mo serkey

Refrin

Personn pa Lerwa
Personn pa lerwa
Personn pa lerwa
Personn pa lerwa
Alor mo pran enn minit
Pou medit pou redir
Mo pran enn minit
Pou medit pou redir
Personn pa lerwa (x3)

Le Penseur Ébène